1. لا تعتمد على الاسم فقط
بزاف ديال الناس كيقولو مثلاً: بغيت شاشة Samsung A12 أو Redmi Note 10، ولكن بعض الهواتف عندها نسخ مختلفة، وكل نسخة ممكن تكون الشاشة ديالها مختلفة. لهذا خاصك تتأكد من الرقم الكامل للموديل قبل الطلب.
- دخل لإعدادات الهاتف وشوف اسم الموديل الكامل.
- قارن رقم الموديل مع الشاشة القديمة إذا كنت تقني.
- إلى ما كنتش متأكد، صيفط صورة الموديل أو الفليكس قبل الطلب.
2. انتبه لهواتف Samsung
فبعض موديلات Samsung كاين اختلافات بين النسخ، مثلاً بعض الإصدارات كتكون مختلفة فالفليكس أو جودة الشاشة أو رقم الموديل. لذلك خاص التقني يتأكد قبل التركيب، خصوصاً فالموديلات المنتشرة بحال A12 و A13 و A10 و A02.
Samsung
تأكد من رقم الموديل، شكل الفليكس، ونوع الشاشة قبل الطلب.
Xiaomi
انتبه للنسخ المختلفة مثل Redmi و Poco، وبعض الموديلات كتتشابه فالشكل فقط.
3. انتبه لهواتف Xiaomi و Redmi و Poco
Xiaomi عندها بزاف ديال السلاسل: Redmi، Redmi Note، Poco، و Mi. أحياناً الهاتفين كيبانو متشابهين، ولكن الشاشة كتكون مختلفة. لذلك خاص تعرف الاسم الكامل والنسخة قبل ما تشري.
- تأكد واش الهاتف Redmi ولا Redmi Note ولا Poco.
- شوف رقم الموديل من الإعدادات.
- ما تعتمدش فقط على الصورة أو الاسم التجاري.
4. اختار الجودة حسب قيمة الهاتف
إذا كان الهاتف باقي جديد أو الزبون باغي تجربة مريحة، من الأفضل اختيار جودة عالية. أما إذا كان الهاتف قديم أو الإصلاح اقتصادي، ممكن تختار جودة متوسطة بشرط تكون مجربة ومضمونة قبل التركيب.
5. جرّب الشاشة قبل التركيب النهائي
قبل ما تلصق الشاشة بشكل نهائي، جرّبها خارجياً. شوف الصورة، اللمس، الألوان، الإضاءة، واش كاين خطوط أو بقع. هاد الخطوة مهمة بزاف لأنها كتجنبك مشاكل الضمان من بعد التركيب.
- جرب اللمس فكل الجهات.
- شوف السطوع والألوان.
- تأكد ما كايناش خطوط أو بقع.
- ما تحيدش الحمايات قبل التجربة.
6. استاشر قبل الطلب إذا كنت غير متأكد
إذا كان عندك شك فالموديل أو الجودة، من الأفضل تسول قبل ما تشري. الاستشارة قبل الطلب كتعاونك تختار القطعة المناسبة، خصوصاً إذا كنت كتخدم فالإصلاح أو كتحتاج كمية للتقنيين.
الخلاصة
قبل شراء شاشة Samsung أو Xiaomi، تأكد من الموديل الكامل، نوع الجودة، والتوافق. ما تعتمدش على الاسم فقط، وجرب الشاشة قبل التركيب النهائي. وإذا كنت محتار، استاشر قبل الطلب باش تختار الشاشة المناسبة بلا خسارة.